या शब्दांमधून या घटनेचे वर्णन केलेले दिसून येते.

   पुराणककथा म्हणून या कथेचा भाग दुर्लक्षित केला तरी एका महास्फोटामधून विश्वाची निर्मिती झाली हे शास्त्रीय सत्य आहेच. हा संदर्भ झाला स्वामींच्या प्रकट होण्याबाबतचा. याच गोटीबद्दल स्वामींनी श्री मामासाहेब देशपांडे याना स्पष्टीकरण दिल्याचे सर्वसंमत आहे.

   असेच एक दिवस स्वामी आपल्या हातातील गोटी फिरवीत होते,मध्येच त्या गोटीमध्ये काहीतरी पाहत होते. आजूबाजूला भक्तगण बसले असताना स्वामी अचानकच मामासाहेब देशपांडे याना म्हणले,”अरे सख्या,तुला खरंच पाहायचे आहे का हे काय आहे ते?“ असे म्हणून त्यांनी हातातील गोटी जमिनीवर सोडली. तत्क्षणी ती गोल गोल फिरू लागली आणि त्यामध्ये अनेक ब्रह्मांडे असल्याचे दिसू लागले.जणू काही श्रीकृष्णाने पार्थाला घडविलेले विश्वरूप दर्शनच होते ते. सर्व भक्त मंडळी अचंबित झाली. यापुढे स्वामी असेही म्हणाले कि “आम्ही जोवर हे हातात धरून आहोत तोवर सर्व ठीक आहे, आम्ही जर ही गोटी सोडली तर सर्व संपलेच असे समज. श्री स्वामी समर्थाना’अनंतकोटी ब्रह्माण्डनायक’ का म्हणतात याचा उलगडा त्या वेळी सर्वाना झाला.

   गोटी या शब्दाचा अर्थ विस्ताराने पहिला तर गो-गोपनीय, टी -टिप्पणी असा आहे.ब्रह्माण्डातील अनंत गुप्त गोष्टी त्यांना या गोटीमध्ये दृगोचर होत असत. स्वामीमहाराज हीच गोटी आपल्या बोटानी फिरवीत ब्रह्माण्डातील घडामोडीवर लक्ष ठेवीत असत. बसल्या जागेवरून त्यांना आपला भक्त अडचणीत असल्याचे समजत असे.

   आपल्या परमभक्ताना संकटातून तरुन नेण्यासाठी स्वामी अखंड सज्ज असतात. परंतु त्याआधी ते भक्ताची त्यांच्यावरील श्रद्धेची कठोर परीक्षा घेतात. त्यांनी घेतलेल्या कसोटीस खरे उतरणाऱ्या भक्तांना स्वामी माउली कधीच अंतर देत नाहीत. आपल्या भक्तांचा योगक्षेम हे अनंतकोटी ब्रह्माण्डनायक स्वामी बसल्या जागेवरून सांभाळतात. स्वामींच्या अनेक भक्तांना ही प्रचिती आली आहे.

   स्वामी समर्थ महाराजांच्या हस्तस्पर्शाने पावन झालेली ही गोटी (इंद्रनील मणी ) आजही बेळगाव येथील सद्गुरू किरणस्वामी यांच्याकडे आपण पाहू शकतो. या गोटीसोबतच तेथे श्री स्वामींच्या चरण पादुका देखील आहेत.

   भाविकांसाठी किरण स्वामींचा पत्ता :-
श्री स्वामी समर्थ मनमंदिर
सद्गुरू किरणस्वामी नायडू
९६२, मेणसे गल्ली,
बेळगांव,कर्नाटक.